Ny antom-pisianay sy ny iraka tanterahinay
Antom-pisianay : mamokatra maharitra sy mandray anjara amin’ny fampandrosoana an’i Madagasikara
Ato amin’i Lecofruit, resy lahatra izahay fa ny hoavin’ny fambolena dia miankina amin’ny maodely manaja ny tany, ny tontolo iainana ary ny vehivavy sy lehilahy rehetra manodidina anay. Mandray anjara mavitrika amin’ny fampandrosoana ara-toekarena sy ara-tsosialy eto Madagasikara izahay, amin’ny alalan’ny fambolena maharitra sy fanohanana ireo sehatr’asa ifotony miahy ny tontolo iainana.
Iraka tanterahinay : manome lanja ireo vokatra mahasalama, avy amin’ny sehatr’asa malagasy manaja ny tontolo iainana
Manam-pahaizana amin’ny legioma tsara kalitao izahay, ireo izay ambolena anaty tany, amin’ny fomba tsara sy maharitra, na avy amin’ireo mpamboly mpiara-miombona antoka 15 000 na avy amin’ny toeram-pambolenay.
Miantoka vokatra manaja ny tontolo iainana sy mampivoatra ny fiainan’ny fiaraha-monina manodidina izahay.
