Miantoka vokatra tsara kalitao mifanaraka amin’ny fenitra iraisam-pirenena ny ekipanay ary teknolojia maoderina eo amin’ny sehatry ny sakafo no ampiasainay.
Manome lanja manokana ny fiaviana sy ny fanarahamaso ny akora fototra ampiasainay izahay. Ny famatsiana avy eto an-toerana dia mandray anjara ihany koa amin’ny fampandrosoana ny toekarena malagasy.
Mivoatra tahaka ny vahaolana atolotray ny ady amin’ny tsy fanjarian-tsakafo. Ny sampan-draharaha fikarohana sy fampandrosoana (R&D) dia miara-miasa amin’ny manam-pahaizana manokana amin’ny sakafo sy fahasalamam-bahoaka mba hamolavola vokatra mifanaraka amin’ny zava-misy eto an-toerana.
Ny fiantohana ny fahombiazan’ny vahaolana ara-tsakafo sy ny fiarovana azy dia tena laharam-pahamehana ho anay. Ny vokatra rehetra dia mandalo fitsirihana hentitra ary manaraka ny fenitra iraisam-pirenena avo indrindra (PlumpyField®, UNICEF, PAM). Isaky ny vokatra dia misy andrana sy fanaraha-maso mba hiantohana ny kalitao alohan’ny fitsinjarana.
